09:28 / 20.05.2026

Prezident farmoni bilan ikki nafar kinorejissyor “Kelajak bunyodkori” medali bilan taqdirlandi

Kann shahrida o‘tkazilgan xalqaro inklyuziv kinofestivalda Gran-pri sovrinini qo‘lga kiritgan o‘zbekistonlik kinoijodkorlar Toshkent xalqaro aeroportida tantanali kutib olindi.

Toshkent xalqaro aeroportida Fransiyaning Kann shahrida o‘tkazilgan ENTRE DEUX CANNES 17-xalqaro inklyuziv kinofestivalida yuksak natijaga erishgan o‘zbekistonlik kinoijodkorlarni tantanali kutib olish marosimi bo‘lib o‘tdi. Bu haqda Madaniyat vazirligi matbuot xizmati xabar berdi.

Avval xabar qilinganidek, “Cannes Film Festival” doirasida tashkil etilgan nufuzli xalqaro kinofestivalda o‘zbekistonlik ijodkorlar tomonidan suratga olingan “Qadam. Quyosh bolasi Yusuf” nomli qisqa metrajli film eng oliy mukofot — Gran-pri sovriniga sazovor bo‘ldi.

Mazkur xalqaro muvaffaqiyat Prezident Shavkat Mirziyoyev tomonidan ham alohida e’tirof etilib, “Xalqaro kinofestivalda g‘oliblikni qo‘lga kiritgan yosh ijodkorlarni mukofotlash to‘g‘risida”gi Farmon qabul qilindi. Unga muvofiq, Gran-pri sovrindorlari “Kelajak bunyodkori” medali bilan taqdirlandi.

Tantanali kutib olish marosimida Madaniyat vaziri Ozodbek Nazarbekov, Prezident Administratsiyasi vakillari, madaniyat va san’at sohasi mutasaddilari, davlat va jamoat tashkilotlari vakillari, kino ixlosmandlari hamda ommaviy axborot vositalari xodimlari ishtirok etdi.

Tadbir davomida Prezident Farmoniga muvofiq “Kelajak bunyodkori” medali bilan taqdirlangan kinorejissyorlar Suhrob Qodirov va Dilshodbek Usmonovga mukofotlar tantanali ravishda topshirildi.

MUHARRIR

KOMILA ODILOVA

Mavzuga oid To'liq ko'rish

Ulug‘bek Qodirov VII Xalqaro Lendok film festivalida “Eng yaxshi aktyor” deb topildi

Aktyor mukofotga “Kazbek” filmidagi bosh roli uchun sazovor bo‘lgan.

10:21 / 30.08.2026

Toshkentda madaniyat va san’at sohasidagi islohotlar muhokama qilinib, yangi rahbarlar tayinlandi

Yig‘ilishda sohadagi kamchiliklar tanqid qilinib, yil yakuniga qadar namunali ko‘rsatkichlarga erishish vazifasi belgilandi.

20:20 / 21.08.2026

O‘zbekiston va Gretsiya 2026–2028 yillarga mo‘ljallangan madaniy hamkorlik dasturini imzoladi

Iskandar Makedonskiy va Roksana tarixiga bag‘ishlangan qo‘shma badiiy film yaratish tashabbusi ilgari surildi.

19:23 / 16.07.2026

Ganjada O‘zbekiston va Ozarbayjon san’atkorlari ishtirokida “Do‘stlik” konserti bo‘lib o‘tdi

Tadbir ikki qardosh xalq madaniyatini o‘zaro targ‘ib etish hamda do‘stlik munosabatlarini yanada mustahkamlashga hissa qo‘shgan madaniy voqea sifatida baholandi.

20:40 / 14.07.2026

Belarus Respublikasida “O‘zbekiston madaniyati kunlari” bo‘lib o‘tmoqda

Minsk shahridagi “Pobeda” kinoteatrida “O‘zbek kinosi kunlari” tantanali ravishda ochildi. O‘zbek filmlari belarus tomoshabinlariga namoyish etilmoqda.

18:23 / 08.07.2026

III Xalqaro maqom san’ati anjumanidagi tanlovda Gran-prini O'zbekiston vakili qo'lga kiritdi

Namangan shahrida YUNESKO va AYSESKO shafeligi ostida o'tkazilgan III Xalqaro maqom san’ati anjumani muvaffaqiyatli yakunlandi.

11:04 / 27.06.2026

Biz uchun maqom hamma narsa — Ozodbek Nazarbekov

Madaniyat vaziri maqom san’ati o‘zbek xalqining ma’naviy merosi va milliy o‘zligini namoyon etuvchi muhim qadriyat ekanini ta’kidladi.

18:31 / 24.06.2026

Ozarbayjon madaniyatining tarixiy ildizlari va multikultural qadriyatlari

Ozarbayjon hududi qadim zamonlardan Sharq va G‘arb o‘rtasida ko‘prik vazifasini bajargani sababli, bu yerda turli madaniyatlar, dinlar va etnik guruhlarning o‘zaro ta’siri yuz bergan.

15:24 / 21.06.2026

Lenta