Sport

Shahram G‘iyosov professional boksda ilk bor mag‘lub bo‘ldi

Bokschi WBA Regular kamari uchun angliyalik Jek Katterallga qarshi jangda yutqazdi.

Shahram G‘iyosov professional boksda ilk bor mag‘lub bo‘ldi

Professional boksning yarim o‘rta vazn toifasida faoliyat yuritayotgan o‘zbekistonlik bokschi Shahram G‘iyosov faoliyatidagi ilk mag‘lubiyatni qabul qildi. U WBA Regular kamari uchun angliyalik Jek Katterallga qarshi kechgan jangda ochkolar hisobiga ko‘ra imkoniyatni boy berdi.

 

Misrning Giza shahrida tashkil etilgan boks oqshomida o‘tgan bellashuv to‘liq 12 raund davom etdi. Hakamlar g‘alabani 118–109, 119–108 va 116–111 hisoblari bilan Ketterallga berdi. Jangning birinchi raundida G‘iyosov nokdaun holatiga ham tushib qoldi.

 

Ketterall jami 551 ta zarbadan 219 tasini aniq yo‘llagan va 40 foiz samaradorlik qayd etgan. G‘iyosov esa 366 ta zarbaning 78 tasini manzilga yetkazib, 21 foiz ko‘rsatkich bilan cheklandi. Kuchli zarbalar bo‘yicha ham angliyalik bokschi ustunlik qildi — 98 ga qarshi 55.

 

Shu tariqa, G‘iyosov professional faoliyatidagi ilk mag‘lubiyatini qabul qildi. Uning hisobida hozirgacha 17 ta g‘alaba, shundan 10 tasi nokaut bilan qayd etilgan. O‘zbekistonlik charm qo‘lqop ustasi so‘nggi bor 2025-yil aprel oyida Franko Okamponi to‘rtinchi raundda nokautga uchratgan edi.

 

Bugungi janggi qadar o‘zbekistonlik bokschi WBA reytingida birinchi o‘rinda qayd etilgan bo‘lsa, Katteral oltinchi pog‘onada borayotgan edi. Ushbu yo‘nalish chempioni esa amerikalik Rolando Romero hisoblanadi. 
32 yoshli Katteral (33 g‘alaba, 2 mag‘lubiyat, 14 nokaut) prof boksdagi 33 g‘alabasiga erishdi. U o‘zining so‘nggi jangini 2025-yil noyabr oyida o‘tkazib, Ekov Essuman ustidan ishonchli g‘alabaga erishgan edi. Angliyalik bokschi WBO reytingida 1-o‘rinda joylashgan. G‘iyosov esa 11-pog‘onada qayd etilgan.
Ma’lumot uchun, ushbu jang Oleksandr Usik hamda Riko Verhoven ishtirokidagi markaziy boks oqshomi doirasida tashkil etildi.
Ronaldinio yana maydonda: afsonaviy futbolchi rasmiy o‘yinda qatnashmoqda

Ronaldinio yana maydonda: afsonaviy futbolchi rasmiy o‘yinda qatnashmoqda

46 yoshli futbolchi Italiyaning “Ravenna” klubi safida “Forli”ga qarshi bahsni asosiy tarkibda boshladi.

O‘rtoqlik uchrashuvi: O‘zbekiston Rossiyaga imkoniyatni boy berdi

O‘rtoqlik uchrashuvi: O‘zbekiston Rossiyaga imkoniyatni boy berdi

Mezbonlar ikki to‘p farqi bilan oldinda borayotganiga qaramay, ustunlikni saqlab qola olmadi.

Infantino JChni kengaytirish fikridan qaytdi: jamoalar soni 48 ta bo‘lib qoladi

Infantino JChni kengaytirish fikridan qaytdi: jamoalar soni 48 ta bo‘lib qoladi

The Times ma’lumotiga ko‘ra, musobaqani kengaytirish taklifi UEFA va Osiyo futbol konfederatsiyasi qarshiligiga uchragan.

Husanov ro‘yxatda yo‘q: Kannavaro O‘zbekiston MTJning noyabr oyidagi o‘yinlari uchun tarkibni e’lon qildi

Husanov ro‘yxatda yo‘q: Kannavaro O‘zbekiston MTJning noyabr oyidagi o‘yinlari uchun tarkibni e’lon qildi

O‘zbekiston terma jamoasi noyabr oyida ikkita o‘rtoqlik uchrashuvida maydonga tushadi.

Kannavaro Italiya klubidan taklif olsa, ketadimi? Murabbiy javob berdi

Kannavaro Italiya klubidan taklif olsa, ketadimi? Murabbiy javob berdi

Uning fikricha, klubdagi murabbiylik faoliyatining o‘ziga xos afzalligi bor.

23 yil, 234 ta o‘yin va 146 ta gol: Ronaldu Portugaliya termasidagi faoliyatini yakunladi

23 yil, 234 ta o‘yin va 146 ta gol: Ronaldu Portugaliya termasidagi faoliyatini yakunladi

41 yoshli hujumchi milliy jamoa safida 23 yil davomida kiyib kelgan 7-raqamli futbolkasini keyingi avlodga topshirishini ma’lum qildi.

Osiyo kubogi kechiktirildi: turnir qachon o‘tkaziladi?

Osiyo kubogi kechiktirildi: turnir qachon o‘tkaziladi?

Bunga mintaqadagi vaziyat, logistika qiyinchiliklari va transportdagi uzilishlarni sabab qilib ko‘rsatdi.

«Al-Nassr» Toshkentga kelmoqda: Ronaldu qaydnomada bormi?

«Al-Nassr» Toshkentga kelmoqda: Ronaldu qaydnomada bormi?

«Paxtakor» va «Al-Nassr» o‘rtasidagi uchrashuv 2 noyabr kuni Toshkentdagi «Paxtakor» markaziy stadionida bo‘lib o‘tadi.