Venesuelada mahbuslar isyon ko'tarib, qamoqxonani egallab olishdi
Mahbuslar qamoqxona direktorning ishdan bo'shatilishini talab qilmoqda.
Venesuelaning Barinas shtatida joylashgan INJUBA qamoqxonasida mahbuslar ishtirokida ommaviy norozilik va tartibsizlik holati yuz berdi.
Nodavlat “Qamoqxonalarni monitoring qilish markazi” (Observatorio Venezolano de Prisiones) ma’lumotiga ko‘ra, voqea 24-may ertalab davlat madhiyasi yangraganidan so‘ng boshlangan. Qamoqxonadagi 1300 dan ortiq mahbus, jumladan ayollar ham ishtirok etgan holda ish tashlash e’lon qilgan.
Norozilik davomida ayrim mahbuslar qamoqxona binosi tomlariga chiqib, matras va boshqa buyumlarni yoqib yuborgan. Vaziyat keskinlashganidan so‘ng qamoqxona hududida o‘q ovozlari eshitilgani, shuningdek, ko‘zdan yosh oqizuvchi gaz qo‘llangani haqida xabarlar tarqalgan.
Ma’lumotlarga ko‘ra, mahbuslarning yaqinlari Milliy gvardiya bo‘linmalarining qamoqxonaga kirishini to‘sishga uringan, biroq bu urinishlar muvaffaqiyatsiz yakunlangan. Tartibsizliklar vaqtida qamoqxona hududida portlashlar va o‘q otish holatlari kuzatilgani bildirilmoqda.
Shuningdek, 120 dan ortiq mahbus yakka tartibdagi kameralarda saqlangani, qamoqxona ma’muriyati tomonidan ham xavfsizlik choralar doirasida o‘q uzish holatlari qayd etilgan.
Tergov hibsxonasining qo‘shimcha binosida ko‘zdan yosh oqizuvchi gaz qo‘llanishi oqibatida yuzdan ortiq ayol mahbusning ahvoli yomonlashgani, ularga boshqa mahbuslar tomonidan yordam ko‘rsatilgan.
Dastlabki ma’lumotlarga ko‘ra, tartibsizliklarning asosiy sababi qamoqxona yangi rahbari tomonidan joriy etilgan keskin va qat’iy ichki tartib-qoidalarga nisbatan norozilik bo‘lgan.
