Futzal bo‘yicha 2025-26 — yilgi mamlakat chempionati yakunlandi
Mavsum g‘olib va sovrindorlarini taqdirlash marosimi bo‘lib o‘tdi.
“Yunusobod” sport majmuasida futzal bo‘yicha mamlakat milliy chempionatining hal qiluvchi — 12-tur uchrashuvlari, shuningdek, mavsum g‘olib va sovrindorlarini taqdirlash marosimi bo‘lib o‘tdi.
Tantanali marosim avvalida XXIX milliy chempionatning individual sovrinlari o‘z egalariga topshirildi.
Unga ko‘ra, 2025/2026-yilgi mavsumning eng intizomli jamoasi sifatida “Maksam-Chirchiq” “Fair Play” (Halol o‘yin) sovrinini qo‘lga kiritdi.
“Eng yaxshi darvozabon” sovrini — SQB jamoasi posboni Akmal Hazratqulovga topshirildi.
XXIX milliy chempionat to‘purari so‘vrini — BMB jamoasi hujumchisi Hebberth Oliveria va Elbek To‘lqinovga nasib etdi.
“Eng yaxshi murabbiy” sovrini — Maksam Chirchiq jamoasi bosh murabbiyi Bahodir Ahmedovga topshirildi.
Mavsumning “Eng yaxshi o‘yinchisi” sovrini — BMB jamoasi futzalchisi Alex Dias Da Silvaga topshirildi.
Mavsum yakunlariga ko‘ra, chempionlik kubogi va oltin medallar Jizzaxning “BMB PFC” jamoasiga topshirildi.
Kumush medallar va vitse-chempionlik unvoni chempionat debyutanti — SQB jamoasi hisobiga yozildi.
So‘nggi yillarda “BMB PFC”ning asosiy raqobatchilaridan biri bo‘lib kelgan “Oil Star” jamoasi esa bu gal bronza medallari bilan cheklandi.
