Tramp Xomanaiy bilan uchrashmoqchi
AQSh prezidentining ta'kidlashicha tomonlar o‘rtasidagi munosabatlar ijobiy tomonga o'zgarmoqda.
AQSh prezidenti Donald Tramp yaqinda Eron oliy rahbari Mojtaba Xomanaiy bilan uchrashishi mumkinligini istisno etmadi. Bu haqda New York Post nashri Amerika yetakchisining so‘zlariga tayanib xabar berdi.
Trampning ta’kidlashicha, tomonlar o‘rtasidagi munosabatlar ijobiy tomonga o'zgarmoqda va zarurat tug‘ilganda yuqori darajadagi uchrashuv o‘tkazilishi mumkin.
“Biz yaxshi munosabatdamiz. Men u bilan uchrashishni istardim. Hamma bilan uchrashishdan xursand bo‘lardim. Ehtimol, kelajakda bu amalga oshar, bu jarayon qanday rivojlanishiga bog‘liq”, degan Tramp.
Shuningdek, AQSh prezidenti Mojtabo Xomanaiy AQSh va Eron o‘rtasidagi muzokaralar jarayonida faol rol o‘ynayotganini ham qayd etgan.
