Tramp Anqarada bo'lib o'tadigan NATO sammitida qatnashadi
AQSh Davlat kotibiga ko‘ra, ushbu yig‘ilish NATO tarixidagi eng muhim sammitlardan biri bo‘ladi.
AQSh prezidenti Donald Tramp iyul oyida Turkiya poytaxti Anqara shahrida bo‘lib o‘tadigan NATO sammitida ishtirok etadi. Bu haqda AQSh Davlat kotibi Marko Rubio ma’lum qildi deydi Anadolu nashri.
Rubioning ta’kidlashicha, 7–8-iyul kunlari o‘tkazilishi rejalashtirilgan mazkur sammit alyans tarixidagi eng muhim uchrashuvlardan biri bo‘lishi mumkin.
“Bu yerda aniqlashtirilishi va hal etilishi lozim bo‘lgan qator masalalar mavjud. Qo‘shma Shtatlar NATO a’zosi bo‘lib qolmoqda va biz sammitda ishtirok etamiz”, degan Rubio Vakillar palatasining Tashqi ishlar qo‘mitasidagi chiqishi davomida.
Davlat kotibi NATO faoliyatida muayyan islohotlar va o‘zgarishlar zarurligini qayd etib, ushbu masalalar Anqaradagi sammitning asosiy mavzularidan biri bo‘lishini bildirgan.
Uchrashuv davomida alyansning kelajakdagi strategiyasi, a’zo davlatlarning majburiyatlari hamda xavfsizlik sohasidagi hamkorlikni takomillashtirish masalalari muhokama qilinadi.
