O‘zbekiston va Saudiya Arabistoni giyohvandlikka qarshi kurash masalalari bo‘yicha ikki tomonlama uchrashuv o‘tkazdi
Tomonlar giyohvandlikka qarshi kurashishda hamkorlikni kuchaytirish, tajriba almashish va mutaxassislar malakasini oshirish bo‘yicha kelishuvga erishdi.
O‘zbekiston delegatsiyasi tomonidan BMTning Uyushgan jinoyatchilik va odil sudlov bo‘yicha komissiyasi 35-sessiyasi doirasida xalqaro tashkilotlar xorijiy hamkor davlatlar bilan transmilliy narkojinoyatlarga va o‘qotar qurollarning noqonuniy muomalasiga qarshi kurashish sohasidagi hamkorlikni yanada jadallashtirishga qaratilgan qator muzokaralar olib borilmoqda.
Ma’lum qilinishicha, Saudiya Arabistoni Qirolligi delegatsiyasi bilan ilk marotaba giyohvandlik vositalarining noqonuniy muomalasiga qarshi kurash masalalariga bag‘ishlangan ikki tomonlama uchrashuv tashkil etildi.
Unda qarshi kurashish yo‘nalishida ikki tomonlama Hukumatlararo bitim tuzish, ma’lumot va tajriba almashish, yangi loyihalar ishlab chiqish, shuningdek, soha xodimlarining malakasini oshirishga qaratilgan o‘quv kurslari, treninglar tashkil etish bo‘yicha kelishuvga erishildi.
