AQSh Paragvayni 4:1 hisobida mag‘lub etdi
AQSh terma jamoasi 2026-yilgi Jahon chempionatini yirik g‘alaba bilan boshladi.
2026-yilgi FIFA Jahon chempionatida AQSh terma jamoasi guruh bosqichidagi ilk uchrashuvini ishonchli g‘alaba bilan boshladi. Mezbonlar Paragvay terma jamoasini Los-Anjeles chekkasida joylashgan “SoFi” stadionida bo‘lib o‘tgan o‘yinda 4:1 hisobida mag‘lub etdi.
Uchrashuv 70 mingdan ortiq tomoshabinga mo‘ljallangan, qurilishiga 5,5 milliard dollar sarflangan dunyodagi eng qimmat stadionlardan biri hisoblangan arenada bo‘lib o‘tgan. O‘yin davomida AQSh terma jamoasi to‘liq ustunlikni qo‘lga olib, ilk bo‘limdayoq hisobda oldinga chiqib olgan.
Amerika terma jamoasi safida Folarin Balogun ikkita gol urib, jamoasining g‘alabasiga katta hissa qo‘shgan. Krishian Pulisich esa hujumlarni tashkil etishda faol ishtirok etib, raqib himoyasini qiyin ahvolga solib qo‘ygan.
Paragvay tarkibida esa himoyadagi xatolar va jamoaviy muvozanatning buzilishi mag‘lubiyatga sabab bo‘lgan. Uchrashuv davomida amerikaliklar bir necha bor hisobni yiriklashtirish imkoniyatiga ega bo‘lishgqan va yakunda 4:1 hisobini qayd etishgan.
O‘yinda ochilish marosimi ham katta shou tarzida o‘tkazilgan. Tadbirda musiqa ijrochilari chiqish qilgan, shuningdek, mashhur shou-biznes vakillari va mehmonlar ishtirok etgan.
Mezbonlar ushbu g‘alaba bilan guruhda peshqadamlikni qo‘lga kiritgan.
