Tramp Oq uy maydonida ilk bor UFC turnirini o‘tkazdi
Tadbir Trampning 80 yillik yubileyi va AQSHning 250 yilligi munosabati bilan tashkil etilgan.
Oq uy yoniga qurilgan maxsus arenaga 4 mingdan ortiq mehmon taklif qilingan. Turnirni tashkil etish uchun UFC qariyb 60 million dollar sarflagan.
Asosiy jangda amerikalik Jastin Getji Iliya Topuriyani mag‘lub etib, yengil vazn chempioniga aylangan.
Tadbirda UFC prezidenti Dana Uayt, Trampning oila a’zolari, FBI direktori Kash Patel hamda britaniyalik bokschi Tayson Fyuri ham qatnashgan.
Amerikaliklarning 46 foizi UFC janglarining Oq uyda o‘tkazilishiga qarshi chiqqan. Biroq Tramp ushbu kechani “Yer yuzidagi eng zo‘r shou” deb atagan.
Jangdan bir necha kun oldin, Virjiniya shtati fuqarolari tadbirni to‘xtatish uchun sudga murojaat qilgan. Ammo sud bu da’voni “be’mani” deb ta’riflab, bekor qilgan.
