JCH—2026: Jazoir Iordaniyani 2:1 hisobida mag'lub etdi
Iordaniya hisobni ochganiga qaramay, Jazoir kambek amalga oshirdi.
2026-yilgi FIFA Jahon chempionati guruh bosqichi ikkinchi turidan o‘rin olgan Iordaniya va Jazoir terma jamoalari o‘rtasidagi uchrashuv Jazoirning 2:1 hisobidagi g‘alabasi bilan yakunlandi.
AQShning Kaliforniya shtati Santa-Klara shahridagi “Levi’s Stadium”da bo‘lib o‘tgan bahsda hisob 36-daqiqada iordaniyalik Nizar Al-Rashdan tomonidan ochildi. Shu tariqa yarim himoyachi terma jamoasining JCH-2026dagi ikkinchi goliga mualliflik qildi.
Ikkinchi bo‘lim o‘rtalarida Riyod Mahrezning uzatmasidan so‘ng Nodir Benbouali muvozanatni tikladi. Uchrashuvning 82-daqiqasida esa Amine Guiri raqib darvozasini ishg‘ol etib, Jazoirga g‘alaba keltirgan gol muallifiga aylandi.
Shu tariqa, Jazoir terma jamoasi guruh bosqichidagi ikkinchi tur uchrashuvida Iordaniyani 2:1 hisobida mag‘lub etdi.
Ma’lumot uchun, 2026-yilgi FIFA Jahon chempionati AQSh, Kanada va Meksikada bo‘lib o‘tmoqda. Turnir 11-iyun kuni start olgan bo‘lib, 19-iyulga qadar davom etadi.
