Farg‘onada Damasʼlar to‘qnashishi oqibatida 2 kishi jarohatlandi
Hodisaga haydovchilardan birining quvib oʻtish qoidasini buzgani sabab boʻlgan.
2026-yil 23-iyun kuni soat 16:00 atrofida Oltiariq tumani “Belariq” MFY hududidan o‘tuvchi D-094 “Oltiariq–Vodil” avtomobil yo‘lining 34-kilometrida yo‘l-transport hodisasi sodir bo‘ldi. Bu haqda viloyat IIB xabar berdi.
Dastlabki ma’lumotlarga ko‘ra, 1995-yilda tug‘ilgan X.A. boshqaruvidagi Damas avtomobili Oltiariq markazi–Qiziltepa yo‘nalishida harakatlanayotgan vaqtda quvib o‘tish qoidalariga amal qilmagan. Oqibatda u qarama-qarshi harakatlanish yo‘lagiga chiqib ketib, o‘z yo‘nalishida harakatlanib kelayotgan V.A. boshqaruvidagi Damas avtomobili bilan to‘qnashgan.
Hodisa natijasida bir nafar haydovchi va bir nafar yo‘lovchi tan jarohati olib, tibbiy muassasaga yuborilgan.
Holat yuzasidan tegishli tartibda surishtiruv ishlari olib borilmoqda.
