JCH-2026. Kolumbiya Kongo DRni mag‘lub etdi va O‘zbekistonning pley-off umidlarini saqlab qoldi
2026 yilgi Jahon chempionatining K guruhi 2-turidan o‘rin olgan Kolumbiya va Kongo DR terma jamoalari o‘rtasidagi uchrashuv yakunlandi.
Meksikaning Gvadalaxara shahridagi “Estadio Akron” stadionida kechgan bahs taqdirini bitta gol hal qildi. Uchrashuv davomida tashabbus ko‘proq kolumbiyaliklar tomonida bo‘lgan bo‘lsa-da, hisob faqat 76-daqiqaga kelib ochildi. Himoyachi Daniel Munyos raqib darvozasini ishg‘ol etib, jamoasiga muhim g‘alabani taqdim etdi.
Shu tariqa, Kolumbiya minimal hisobdagi g‘alaba evaziga guruhdagi ikkinchi muvaffaqiyatini qo‘lga kiritdi va ochkolari sonini 6 taga yetkazdi. Kongo DR esa ikki turdan so‘ng bir ochko bilan qolmoqda.
Mazkur natija O‘zbekiston terma jamoasi uchun ham ahamiyatli bo‘ldi. Kongo DRning mag‘lubiyati sabab vakillarimiz pley-off uchun nazariy imkoniyatlarni saqlab qoldi. Endi Fabio Kannavaro shogirdlari guruh bosqichining so‘nggi turida aynan Kongo DRga qarshi maydonga tushadi.
Maʼlumot oʻrnida, K guruhi 2-turidan so‘ng Kolumbiya 6, Portugaliya 4, Kongo DR 1 ochkodan jamg‘argan bo‘lsa, O‘zbekiston hisobida hozircha ochko yo‘q.
