JCH-2026. O‘zbekiston ikkinchi turda Portugaliyaga yutqazdi
O‘zbekiston guruhdagi so‘nggi o‘yinni 28-iyun kuni Kongo DR milliy jamoasiga qarshi o‘tkazadi.
2026 yilgi Jahon chempionatining K guruhi 2-turidan o‘rin olgan Portugaliya va O‘zbekiston terma jamoalari o‘rtasidagi uchrashuv yakunlandi.
Bahs portugaliyaliklarning tezkor goli bilan boshlandi. Uchrashuvning 6-daqiqasida Krishtianu Ronaldu hisobni ochgan bo‘lsa, 17-daqiqada Nunu Mendesh jamoasining ustunligini mustahkamladi. Birinchi bo‘lim yakunlanishi arafasida Ronaldu yana bir bor gol urib, hisobni 3:0 ko‘rinishiga olib keldi.
Ikkinchi bo‘limda ham Portugaliya ustunlikni qo‘ldan boy bermadi. 60-daqiqada Abduvohid Ne’matov darvozasiga avtogol qayd etildi. Uchrashuvning 88-daqiqasida esa Rafael Leau yakuniy nuqtani qo‘ydi. Shu tariqa, Krishtianu Ronaldu dubl qayd etgan bahsda Portugaliya O‘zbekistonni 5:0 hisobida mag‘lub etdi va musobaqadagi ilk g‘alabasini qo‘lga kiritdi.
O‘zbekiston esa ketma-ket ikkinchi mag‘lubiyatini qabul qilib oldi. K guruhi 3-turida O‘zbekiston Kongo DRga, Portugaliya esa Kolumbiyaga qarshi maydonga tushadi.
