O‘zbekiston Portugaliyaga yutqazdi: Kannavaro o‘yin haqida nimalar dedi?
Bosh murabbiy mundialdagi ishtirok jamoa uchun muhim tajriba bo‘layotganini ta’kidladi.
O‘zbekiston milliy terma jamoasi bosh murabbiyi Fabio Kannavaro JCH–2026 guruh bosqichining 2-turida Portugaliyaga 0:5 hisobida mag‘lub bo‘lgach, matbuot anjumanida o‘yin yuzasidan fikr bildirdi.
Murabbiy Jahon chempionatidagi ilk ishtirok jamoa uchun katta tajriba bo‘layotganini ta’kidlab, natijaga qaramay futbolchilarining harakatidan mamnun ekanini aytdi.
"Albatta Jahon chempionatidagi ilk ishtirok oson boʻlmasligi tabiiy. Qur’a natijalari chiqqanidan so‘ng Kolumbiya va Portugaliyani ko‘rib, bizni juda qiyin guruh kutayotganini kutgandik.
Kolumbiyaga qarshi o‘yindan keyin ham jamoamdan faxrlanishimni aytgandim, bugun ham jamoam bilan faxrlanaman. Chunki ularni ko‘rdim. Ha, qiyinchiliklarga duch kelishdi, ammo bir soniya ham taslim bo‘lishmadi.
Albatta, barcha chiziqlarda yuqori saviyadagi futbolchilarga ega jamoaga qarshi o‘ynash doim qiyin. Shubhasiz, ular juda katta motivatsiya bilan maydonga tushishgan edi. Biroq aytganimdek, bu Jahon chempionati biz uchun tajriba", dedi Kannavaro.
Ma’lumot uchun, O‘zbekiston in milliy terma jamoasi Jahon chempionati guruh bosqichining 3-turida Kongo Demokratik Respublikasi terma jamoasiga qarshi maydonga tushadi. Uchrashuv 28-iyun kuni soat 04:30 da boshlanadi.
