Uzunlikka sakrash bo‘yicha O‘zbekiston rekordi yangilandi
Xorvatiyadagi turnirda ishtirok etgan sportchi Anvar Anvarov 8,29 metr uzunlikka sakrab, yangi rekord o‘rnatdi.
Xorvatiyaning Zagreb shahrida yengil atletika bo‘yicha o‘tkazilgan xalqaro turnirda O‘zbekiston terma jamoasi a’zosi Anvar Anvarov oltin medalni qo‘lga kiritdi.
Uzunlikka sakrash bahslarida ishtirok etgan sportchi 8,29 metr natija qayd etib, O‘zbekistonning yangi milliy rekordini o‘rnatdi. Shu bilan u o‘ziga tegishli avvalgi rekordni 4 santimetrga yaxshiladi. Anvarov o‘tgan yili Finlyandiyada bo‘lib o‘tgan musobaqada 8,25 metr natija ko‘rsatgan edi.
Turnir yakunlariga ko‘ra, ikkinchi o‘rinni 8,23 metr natija bilan serbiyalik Luka Boshkovich, uchinchi o‘rinni esa 8,18 metr bilan yamaykalik Tajey Geyl egalladi.
Turnirning yakuniy natijalari:
- Anvar Anvarov (O‘zbekiston) — 8,29 metr
- Luka Boshkovich (Serbiya) — 8,23 metr
- Tajey Geyl (Yamayka) — 8,18 metr
