Jahon

Venesuelada zilzila qurbonlari soni 1 450 nafarga yetdi

12 700 nafardan ortiq fuqaro o‘z uyini tark etishga majbur bo‘lgan.

Venesuelada zilzila qurbonlari soni 1 450 nafarga yetdi

 

Venesuelada sodir bo‘lgan kuchli zilzilalar oqibatida halok bo‘lganlar soni 1 450 nafarga yetdi. Qidiruv-qutqaruv ishlari davom etayotgan bo‘lsa-da, minglab odamlarning taqdiri hanuz noma’lumligicha qolmoqda. Bu haqda The Associated Press xabar berdi.

 

Rasmiy ma’lumotlarga ko‘ra, tabiiy ofat oqibatida 3 150 kishi turli darajadagi tan jarohatlari olgan, 12 700 nafardan ortiq fuqaro o‘z uyini tark etishga majbur bo‘lgan. Shuningdek, 774 ta bino butunlay qulab tushgan.

 

Eng katta talafot Karakas shahridan taxminan 40 kilometr shimolda joylashgan La Guayra shtatida qayd etilgan. Mazkur hududda qutqaruvchilar vayronalar ostida qolganlarni izlash ishlarini davom ettirmoqda.

 

Venesuela hukumati qutqaruv va tiklash ishlari uzluksiz davom etayotganini ma’lum qilgan. Rasmiylarga ko‘ra, so‘nggi kunlarda ham vayronalar ostidan tirik fuqarolar qutqarib olinmoqda.

 

Tabiiy ofat oqibatlarini bartaraf etish ishlariga xalqaro hamjamiyat ham jalb etilgan. Turli davlatlardan 2 600 nafardan ortiq qutqaruvchi va maxsus texnikalar Venesuelaga yetib kelib, qidiruv-qutqaruv operatsiyalarida ishtirok etmoqda.

 

Mutaxassislarning ta’kidlashicha, zilziladan keyingi dastlabki 72 soat vayronalar ostida qolganlarni tirik holda qutqarish uchun eng muhim davr hisoblanadi. Shu sababli qidiruv ishlari maksimal tezlikda davom ettirilmoqda.

Iordaniyada cherkovga qilingan hujum: uch nafar erkak o‘lim jazosiga hukm qilindi

Iordaniyada cherkovga qilingan hujum: uch nafar erkak o‘lim jazosiga hukm qilindi

Hujum 23-oktyabr kuni yunon pravoslav cherkovida dafn marosimi vaqtida sodir bo‘lgandi.

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Tibet chegara politsiyasi tarkibidagi maxsus bo‘linmalar yaqin masofadagi janglar, tog‘li hududlarda harakatlanish va dronlardan foydalanish bo‘yicha tayyorgarlikdan o‘tkazilmoqda.

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qaror ustidan shikoyat qilishini bildirdi.

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

U Suriyadagi terrorchilik tashkiloti a’zosiga olti marta pul o‘tkazgan.

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Tashabbus inson huquqlari tashkilotlarining tanqidiga sabab bo‘lmoqda.

Rossiya neft eksportiga zarba: Ukraina Samara viloyatidagi stansiyani nishonga oldi

Rossiya neft eksportiga zarba: Ukraina Samara viloyatidagi stansiyani nishonga oldi

Ukraina harbiylari ushbu obyektni Rossiyaning urushni moliyalashtirayotgan neft sanoati uchun muhim infratuzilma deb atagan.

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Bunday qurilmalar nafaqat harbiy yuklarni tashish va evakuatsiya, balki granatomyot hamda tankka qarshi qurollar yordamida hujum operatsiyalariga ham jalb etilmoqda.

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

U shunchaki xabar olish orqali profilni egallab olish mumkinligi haqidagi da’volarni rad etdi.