Jahon

Qozog‘istonda ikki palatali parlament faoliyati yakunlandi

Qozog‘iston prezidenti yangi siyosiy tizim — Qurultoy faoliyati qonun ijodkorligiga yangicha yondashuv asosida tashkil etilishini ta’kidladi.

Qozog‘istonda ikki palatali parlament faoliyati yakunlandi

Qozog‘istonning ikki palatali parlamenti 30-iyun kuni o‘z faoliyatini rasman yakunladi. Ostona shahrida Senat va Majlisning so‘nggi qo‘shma majlisi bo‘lib o‘tdi. Unda prezident Qosim-Jo‘mart To‘qayev ham ishtirok etdi. Bu haqda 24.kg xabar berdi.

 

Ma’lum qilinishicha, Senat va Majlis qariyb 30 yil davomida mamlakat taraqqiyotiga oid muhim qarorlarni qabul qilib kelgan. Shu davrda parlament 3,5 mingdan ortiq qonunni ma’qullagan bo‘lsa, ularning 300 dan ortig‘i so‘nggi uch yil ichida qabul qilingan.

 

Yig‘ilishda Qosim-Jo‘mart To‘qayev VIII chaqiriq parlament faoliyati yakunlarini sarhisob qildi hamda deputatlarning mamlakatdagi siyosiy va iqtisodiy islohotlarni amalga oshirishdagi hissasini yuqori baholadi.

 

“Siz mamlakat hayotidagi o‘zgarishlarning oldingi safida bo‘ldingiz. Barcha qiyinchiliklarga qaramay, keng ko‘lamli islohotlarni amalga oshirish uchun tinimsiz mehnat qildingiz. Eng og‘ir damlarda mas’uliyatni o‘z zimmangizga oldingiz va mamlakatimiz uchun zarur bo‘lgan islohotlarning harakatlantiruvchi kuchiga aylandingiz. Har biringiz o‘z vazifangizni munosib bajardingiz. Siz Adolatli va Kuchli Qozog‘istonni barpo etish yo‘lida fidokorona xizmat qildingiz”, — dedi prezident.

 

Prezidentning aytishicha, parlament o‘rnini egallaydigan yangi Qurultoy faoliyati zamonaviy boshqaruv tamoyillari asosida yo‘lga qo‘yiladi. Xususan:

 

  • qonun ijodkorligi jarayoni tezlashtiriladi;

  • byurokratik tartib-taomillar qisqartiriladi;

  • qonun loyihalarini ishlab chiqishda tahliliy yondashuv kuchaytiriladi;

  • e-Parliament elektron parlament tizimi joriy etiladi;

  • qonun loyihalari ekspertlar va jamoatchilik bilan keng muhokama qilinadi;

  • qarorlar qabul qilishda prognozli tahlillar, iqtisodiy oqibatlar va ijtimoiy xavflar inobatga olinadi.

 

To‘qayev, shuningdek, mamlakat yangi iqtisodiy modelni shakllantirishni davom ettirishini, bunda sanoat, transport, energetika, raqamli texnologiyalar va sun’iy intellektni rivojlantirish ustuvor yo‘nalish bo‘lib qolishini ta’kidladi.

 

Prezident yaqin kunlarda Qurultoy saylovlarini o‘tkazish to‘g‘risidagi farmonni imzolashini ham ma’lum qildi. Uning so‘zlariga ko‘ra, yangi siyosiy tizim doirasida partiyalar o‘rtasidagi raqobat kuchayadi, saylovlar esa ochiq, halol va adolatli o‘tishi kerak.

Iordaniyada cherkovga qilingan hujum: uch nafar erkak o‘lim jazosiga hukm qilindi

Iordaniyada cherkovga qilingan hujum: uch nafar erkak o‘lim jazosiga hukm qilindi

Hujum 23-oktyabr kuni yunon pravoslav cherkovida dafn marosimi vaqtida sodir bo‘lgandi.

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Tibet chegara politsiyasi tarkibidagi maxsus bo‘linmalar yaqin masofadagi janglar, tog‘li hududlarda harakatlanish va dronlardan foydalanish bo‘yicha tayyorgarlikdan o‘tkazilmoqda.

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qaror ustidan shikoyat qilishini bildirdi.

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

U Suriyadagi terrorchilik tashkiloti a’zosiga olti marta pul o‘tkazgan.

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Tashabbus inson huquqlari tashkilotlarining tanqidiga sabab bo‘lmoqda.

Rossiya neft eksportiga zarba: Ukraina Samara viloyatidagi stansiyani nishonga oldi

Rossiya neft eksportiga zarba: Ukraina Samara viloyatidagi stansiyani nishonga oldi

Ukraina harbiylari ushbu obyektni Rossiyaning urushni moliyalashtirayotgan neft sanoati uchun muhim infratuzilma deb atagan.

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Bunday qurilmalar nafaqat harbiy yuklarni tashish va evakuatsiya, balki granatomyot hamda tankka qarshi qurollar yordamida hujum operatsiyalariga ham jalb etilmoqda.

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

U shunchaki xabar olish orqali profilni egallab olish mumkinligi haqidagi da’volarni rad etdi.