JCH — 2026: Harri Keyn Angliyani qutqardi
Inglizlar Kongo DRni mag‘lub etib, 1/8 finalga chiqdi.
2026 yilgi jahon chempionatining 1/16 final bosqichida Angliya terma jamoasi Kongo DRga qarshi maydonga tushdi va qiyin kechgan bahsda 2:1 hisobida g‘alaba qozondi.
Uchrashuv kutilmaganda afrikaliklar ustunligi bilan boshlandi. 7-daqiqada Brayan Sipenga inglizlar darvozabonini dog‘da qoldirib, Kongo DRni hisobda oldinga olib chiqdi.
Birinchi bo‘limda Angliya ko‘plab hujumlar uyushtirgan bo‘lsa-da, tanaffusga qadar hisobni o‘zgartira olmadi. Ikkinchi bo‘limda Tomas Tuhel amalga oshirgan o‘zgarishlar o‘yin sur’atini oshirdi.
75-daqiqada jamoa sardori Harri Keyn hisobni tenglashtirdi. Oradan 11 daqiqa o‘tib esa tajribali hujumchi yana o‘z so‘zini aytib, dublni rasmiylashtirdi va Angliyaga g‘alabani taqdim etdi. Shu tariqa, Angliya 2:1 hisobidagi irodali g‘alaba evaziga jahon chempionatining 1/8 finaliga yo‘l oldi. Kongo DR esa musobaqa bilan xayrlashdi.
