Farg‘onada Turkiya qalbaki pasporti va “prava"sini tayyorlagan jinoiy guruh ushlandi
Holat yuzasidan jinoyat ishi qo‘zg‘atilgan. Hozirda tergov harakatlari olib borilmoqda.
Davlat xavfsizlik xizmati, Iqtisodiy jinoyatlarga qarshi kurashish departamenti hamda Ichki ishlar organlari hamkorligida o‘tkazilgan tezkor tadbir davomida qalbaki xorijiy hujjatlar tayyorlash va sotish bilan shug‘ullangan jinoiy guruh fosh etildi.
Aniqlanishicha, Marg‘ilon shahrida yashovchi 1995-yilda tug‘ilgan shaxs Farg‘ona shahrida istiqomat qiluvchi 1990, 1997, 1999 va 2003-yillarda tug‘ilgan to‘rt nafar tanishi bilan oldindan til biriktirib, qalbaki Turkiya Respublikasi fuqaroligi pasporti va haydovchilik guvohnomasini mijozga 4 mln so‘m evaziga sotayotgan vaqtida qo‘lga olingan.
Tezkor tadbir davomida gumonlanuvchilardan 11 ta mobil telefon va 2 ta noutbuk ashyoviy dalil sifatida musodara qilindi.
Mazkur holat yuzasidan jinoyat ishi qo‘zg‘atilgan. Hozirda tergov harakatlari olib borilmoqda.
