Ronalduning goli va Ramosning so‘nggi daqiqadagi zarbasi Portugaliyani finalga olib chiqdi
Xorvatiya mundial bilan xayrlashdi, Luka Modrich Jahon chempionatidagi so‘nggi uchrashuvini o‘tkazdi.
2026-yilgi FIFA Jahon chempionatining 1/16 final bosqichida Portugaliya terma jamoasi Xorvatiya ustidan 2:1 hisobida g‘alaba qozonib, musobaqaning 1/8 finaliga yo‘l oldi.
Toronto shahrida bo‘lib o‘tgan uchrashuvda Xorvatiya hisobni Ivan Perishichning 53-daqiqadagi goli evaziga ochdi. Portugaliya esa 68-daqiqada Krishtianu Ronaldu hamda qo‘shimcha vaqtning 90+4-daqiqasida Gonsalu Ramos kiritgan gollar hisobiga irodali g‘alabani qo‘lga kiritdi.
Mazkur gol Ronaldu uchun Jahon chempionati pley-off bosqichidagi to‘qqiz o‘yindan keyingi ilk gol bo‘ldi.
Ushbu bahs Xorvatiya terma jamoasi sardori Luka Modrich uchun Jahon chempionatidagi so‘nggi uchrashuv sifatida tarixga kirdi. 40 yoshli yarim himoyachi faoliyati davomida beshta mundialda ishtirok etib, Xorvatiya bilan kumush va bronza medallarini qo‘lga kiritgan.
Endilikda Portugaliya terma jamoasi 1/8 finalda Ispaniyaga qarshi maydonga tushadi. Uchrashuv 6-iyul kuni bo‘lib o‘tadi.
