Yangi Konstitutsiya Tokayevning qayta saylanishiga yo‘l ochdi
Avvalgi Konstitutsiya asosida saylangan prezident yangi Konstitutsiya kuchga kirgach yana prezidentlikka nomzodini qo‘yishi mumkin.
Qozog‘iston Konstitutsiyaviy sudi prezident murojaati asosida mamlakatning yangi Konstitutsiyasidagi prezidentlik muddati va davlat lavozimlariga oid normalarga rasmiy talqin berdi.
Sud qaroriga ko‘ra, 1995-yildagi Konstitutsiya asosida ushbu konstitutsiyaviy normalarda nazarda tutilgan lavozimlarni egallagan shaxslar 2026-yil 1-iyuldan kuchga kirgan yangi Konstitutsiya amal qila boshlaganidan so‘ng tegishli lavozimlarga qayta saylanishi yoki tayinlanishi mumkin.
Mazkur talqinga muvofiq, amaldagi prezident Qosim-Jomart To‘qayev ham yangi Konstitutsiya asosida prezidentlik saylovlarida yana nomzodini ilgari surish huquqiga ega bo‘ladi.
Qayd etilishicha, yangi Konstitutsiyaning 43-moddasi 1-bandi prezident vakolat muddatini tartibga soladi. Unga ko‘ra, bir shaxs Qozog‘iston Prezidenti etib bir necha marta saylanishi mumkin emas. Biroq Konstitutsiyaviy sud ushbu norma yangi Konstitutsiya kuchga kirgunga qadar egallangan prezidentlik vakolatlariga nisbatan qanday qo‘llanishi yuzasidan rasmiy izoh berdi.
Eslatib o‘tamiz, Qozog‘istonda yangi Konstitutsiya 1-iyuldan kuchga kirgan. Hujjatga ko‘ra, prezident yetti yil muddatga saylanadi va bir shaxs ushbu lavozimni faqat bir muddat egallashi belgilangan.
Konstitutsiyaviy sudning ushbu qarori yangi Konstitutsiya qabul qilinishidan avvalgi davrda shakllangan prezidentlik vakolatlarining yangi konstitutsiyaviy tartib bilan uyg‘unlashuviga huquqiy aniqlik kiritadi.
