Shavkat Mirziyoyev Si Szinpinga hamdardlik yo‘lladi
O‘zbekiston Prezidenti Xitoydagi tabiiy ofatlar qurbonlarining oila a’zolariga ta’ziya izhor etdi.
O‘zbekiston Prezidenti Xitoy Xalq Respublikasi Raisi Si Szinpinga Guansi-Chjuan avtonom rayonida kuzatilgan suv toshqinlari hamda Futszyan provinsiyasida yuz bergan yirik yong‘in oqibatida ko‘plab insonlar halok bo‘lgani, ko‘plab fuqarolar jarohat olgani va katta talafot ko‘rilgani jiddiy talafotlar yuzaga kelgani munosabati bilan hamdardlik yo‘lladi.
Shavkat Mirziyoyev halok bo‘lganlarning oila a’zolari va yaqinlariga samimiy ta’ziya bildirib, jarohatlanganlarning tez fursatda sog‘ayib ketishini tiladi.
Eslatib o‘tamiz, avvalroq Xitoyning janubiy hududlarida “Maysak” tropik bo‘roni oqibatida yuzaga kelgan kuchli suv toshqinlari natijasida 39 kishi halok bo‘lgani haqida xabar berilgandi.
