O‘zbekistonda taqiqlangan internet manbalari ro‘yxati yangilandi
Yangilangan ro‘yxatga diniy ekstremistik va terroristik mazmundagi 1 915 ta internet manbasi kiritildi.
Oliy sud diniy ekstremizm, terrorizm va aqidaparastlik g‘oyalarini targ‘ib qiluvchi manba hamda kontentlarning yangilangan ro‘yxatini e’lon qildi.
2026-yil 13-iyul holatiga ko‘ra, ro‘yxatga jami 1 915 ta internet manbasi kiritilgan. Mazkur materiallarni O‘zbekiston hududiga olib kirish, tayyorlash, saqlash, tarqatish va namoyish etish qonun bilan taqiqlangan.
Ro‘yxatdan:
-
Telegram — 886 ta kanal va guruh;
-
Instagram — 405 ta profil;
-
Facebook — 276 ta sahifa;
-
YouTube — 202 ta kanal;
-
TikTok — 68 ta akkaunt;
-
Odnoklassniki — 44 ta sahifa;
-
Threads — 1 ta profil;
-
veb-saytlar va boshqa manbalar — 33 ta o‘rin olgan.
Oliy sud fuqarolarni, ayniqsa ota-onalar va yoshlarni diniy aqidaparastlik, ekstremizm hamda terrorizm g‘oyalaridan ogoh bo‘lishga chaqirib, sud tomonidan taqiqlangan internet manbalaridan foydalanmaslikni tavsiya etdi.
