“U ajoyib” — Tramp FIFA prezidenti Infantinoni qo‘llab-quvvatladi
AQSh prezidenti rahbari Janni Infantinoni lavozimidan almashtirish tashkilot uchun “dahshatli xato” bo‘lishini aytdi.
AQSh prezidenti Donald Tramp FIFA prezidenti Janni Infantinoni qo‘llab-quvvatlab, tashkilot rahbariyatining uni almashtirish haqidagi ehtimoliy qarori xato bo‘lishini aytdi.
Tramp bu haqdagi fikrlarini Truth Social platformasida bildirgan. Uning ta’kidlashicha, Infantino FIFA rahbari sifatida muvaffaqiyatli faoliyat olib bormoqda.
“U ajoyib. U avvalgilariga qaraganda to‘rt baravar muvaffaqiyatli bo‘lgan Jahon chempionatini boshqardi. Agar Infantino ketsa, Jahon chempionatlari hech qachon avvalgidek muvaffaqiyatli yoki daromadli bo‘lmaydi”, — deb yozgan Tramp.
Infantino 2016-yildan buyon FIFA prezidenti lavozimida faoliyat yuritmoqda. U 2019 va 2023-yillarda ushbu lavozimga qayta saylangan. FIFA prezidentining navbatdagi saylovi 2027-yilda o‘tkazilishi kutilmoqda.
Infantino faoliyati so‘nggi vaqtlarda FIFA doirasidagi ayrim tashabbuslar sabab tanqid ostida qolgan. Xususan, tashkilotning tijoriy va turnirlarni tashkil etish faoliyatini birlashtiruvchi FIFA Forward Enterprise loyihasiga xususiy investorlarni jalb qilish rejasi UEFA va futbol hamjamiyatining noroziligiga sabab bo‘lgan. Keyinchalik FIFA ushbu rejadan voz kechgan.
