Islom Maxachev UFC tarixidagi rekordni yangiladi
34 yoshli MMA jangchisi irlandiyalik raqibini mag‘lub qilib, ketma-ket 17-jangida zafar quchdi.
Bugun, 16-avgust kuni Filadelfiyada o‘tkazilgan UFC 330 turnirining markaziy jangida rossiyalik Islom Maxachev irlandiyalik Ian Machado Gerrini mag‘lub etdi.
Jang besh raund davom etdi. Maxachev ikkinchi raundda raqibini nokdaunga uchratdi va yakunda hakamlarning yakdil qarori bilan 49:46, 49:46, 48:47 hisobida g‘alaba qozondi. Shu tariqa u yarim o‘rta vazn toifasidagi UFC chempionlik kamarini ilk bor muvaffaqiyatli himoya qildi.
34 yoshli Maxachev ushbu g‘alaba orqali ketma-ket 17-jangida zafar quchdi. Bu UFC tarixidagi eng uzun g‘alabali seriya bo‘lib, u Anderson Silvaning 16 ta ketma-ket g‘alabadan iborat rekordini yangiladi.
Mazkur g‘alabadan so‘ng Maxachevning professional MMA’dagi rekordi 29 g‘alaba va 1 mag‘lubiyatni tashkil etmoqda.
28 yoshli Ian Machado Gerri esa faoliyatidagi ikkinchi mag‘lubiyatini qabul qilib oldi. Uning hisobida 17 ta g‘alaba va 2 ta mag‘lubiyat bor.
