AQSHda ona 11 oylik o‘g‘lini otasiga bermaslik uchun otib o‘ldirdi
Ayol bolaning otasiga berilgan vasiylik huquqidan norozi bo‘lgan.
AQSHda 36 yoshli ayol 11 oylik o‘g‘lini o‘ldirganlikda aybdor deb topildi. Bu haqda The New York Post xabar berdi.
Prokuratura ma’lumotlariga ko‘ra, Medlin Veronika Deyli sud qarorini buzib, bolani Vayoming shtatidan Nyu-Meksikoga olib ketgan. Ayol bolaning otasiga berilgan vasiylik huquqidan norozi bo‘lgan.
23-dekabr kuni politsiya uni avtoturargoh aniqlagan. Huquq-tartibot xodimlari binoni qurshab olganidan ko‘p o‘tmay, ichkaridan o‘q ovozi eshitilgan. Politsiya kirganida, bola 9 millimetrli quroldan otilgan o‘qdan halok bo‘lgani aniqlangan. Ayol shundan so‘ng o‘z joniga qasd qilishga uringan, biroq politsiya xodimlari bunga yo‘l qo‘ymagan.
Tergovchilarga ko‘ra, Deyli bolaning otasi va uning qarindoshlari o‘g‘lini boshqa ko‘rmasligi uchun uni o‘ldirish “arziydi”, deb hisoblaganini aytgan.
Deyli birinchi darajali qotillikda aybini tan olgan. Unga nisbatan umrbod qamoq jazosi tayinlanishi mumkin.
