Toshkentda maktab avtobuslariga ehtiyoj o‘rganilmoqda

Toshkent shahrida o‘quvchilarning maktabga qatnovi va maktab avtobuslariga bo‘lgan ehtiyojni aniqlash bo‘yicha so‘rovnoma o‘tkazilmoqda.

 

So‘rovnoma orqali o‘quvchilarning yashash joyi, o‘qiydigan maktabi va sinfi, maktabga chiqish vaqti hamda foydalanadigan transport turi haqida ma’lumotlar to‘planadi. Shuningdek, ota-onalardan maktab avtobusidan foydalanishga ehtiyoj bor-yo‘qligi so‘raladi.

 

Yig‘ilgan ma’lumotlar Toshkentda maktab avtobuslarini yo‘lga qo‘yish imkoniyatini o‘rganish va zaruratdan kelib chiqib ushbu tizimni joriy etish masalasini ko‘rib chiqish uchun tahlil qilinadi.

 

Bir nechta farzandi bor ota-onalar har bir farzandi haqidagi ma’lumotlarni alohida kiritishi mumkin.

 

So‘rovnomada shaxsiy ma’lumotlar yig‘ilmasligi, natijalar faqat umumiy tahlil uchun foydalanilishi ma’lum qilingan.

 

So‘rovnomani maxsus Telegram bot orqali to‘ldirish mumkin.