Qidiruvdagi shaxs jamoat transportida qo‘lga olindi
Ushbu shaxs Jinoyat kodeksining tegishli moddalarida gumonlanib, qidiruvga berilgan.
Toshkent shahri Yashnobod tumanida jinoyat sodir etishda gumonlanib, qidiruvda bo‘lgan shaxs jamoat transportida qo‘lga olindi.
Ma’lum qilinishicha, 4-sentyabr kuni Toshkent shahar IIBB Yagona tezkor boshqaruv markazidan Yashnobod tumani Qo‘riqlash xizmati navbatchilik qismiga tuman hududida harakatlanayotgan jamoat transportida Jinoyat kodeksining tegishli moddalari bilan qidiruvda bo‘lgan shaxs borligi haqida xabar kelib tushgan.
Xabar asosida Qo‘riqlash xizmati xodimlari tomonidan tezkor chora-tadbirlar ko‘rilib, qidiruvdagi shaxs zudlik bilan qo‘lga olingan.
Hozirda holat yuzasidan tegishli tartibda ish olib borilmoqda.
