Xiva, Buxoro va Toshkent o‘rtasida yangi elektropoyezdlar qatnovi yo‘lga qo‘yiladi
Xiva — Buxoro — Xiva yo‘nalishida 9 sentyabrdan, Buxoro — Toshkent — Buxoro yo‘nalishida esa 14 sentyabrdan yangi elektropoyezdlar qatnay boshlaydi.
“O‘ztemiryo‘lyo‘lovchi” matbuot xizmatining maʼlum qilishicha, yo‘lovchilarga qo‘shimcha qulaylik yaratish maqsadida Xiva — Buxoro — Xiva hamda Buxoro — Toshkent — Buxoro yo‘nalishlarida zamonaviy “CRRC-Dalian” elektropoyezdlari qatnovi yo‘lga qo‘yiladi.
Yangi elektropoyezdlar 2026 yil 9 sentyabrdan boshlab Xiva — Buxoro — Xiva yo‘nalishida, 14 sentyabrdan esa Buxoro — Toshkent — Buxoro yo‘nalishida harakatlanadi.
Elektropoyezd tarkibi 5 ta vagondan iborat bo‘lib, jami 415 ta ekonom klass o‘rindig‘iga ega.
Xiva — Buxoro — Xiva
707-sonli Xiva — Buxoro-1 elektropoyezdi seshanba kunidan tashqari, haftaning barcha kunlari qatnaydi.
Xiva — 09:55
Buxoro — 14:32
706-sonli Buxoro-1 — Xiva elektropoyezdi esa dushanba kunidan tashqari, haftaning barcha kunlari harakatlanadi.
Buxoro — 15:45
Xiva — 20:25
Buxoro — Toshkent — Buxoro
701-sonli Buxoro-1 — Toshkent elektropoyezdi 14 sentyabrdan boshlab har dushanba kuni qatnaydi.
Buxoro — 15:17
Toshkent — 21:22
702-sonli Toshkent — Buxoro-1 elektropoyezdi esa 15 sentyabrdan boshlab har seshanba kuni harakatlanadi.
Toshkent — 10:05
Buxoro — 15:17
Yangi elektropoyezdlar qatnovi yo‘lga qo‘yilishi munosabati bilan ayrim yo‘lovchi poyezdlarining harakat jadvaliga ham o‘zgartirishlar kiritiladi.
Jumladan, 56-sonli Toshkent janubiy — Xiva, 58-sonli Toshkent janubiy — Shovot, 127/128-sonli Andijon — Qo‘ng‘irot, 301-sonli Dushanbe — Toshkent, 6412-sonli Toshkent janubiy — Xovos hamda 6353-sonli Urganch — Nukus poyezdlarining qatnov jadvali o‘zgaradi.
Yo‘lovchilardan safarlarini rejalashtirishda yangilangan harakat jadvaliga eʼtibor qaratish so‘ralmoqda.
