202 davlat, 2 mingdan ortiq shaxmatchi: Samarqand bugun shaxmat olamini qarshi oldi
Tashkilotchilar Olimpiadani shaxmat tarixidagi eng yirik musobaqa sifatida qayd etmoqda.
Samarqanddagi Expo markazlarida 46-FIDE Shaxmat Olimpiadasi boshlandi. Tadbirning ilk kunida majmuaga 10 mingdan ortiq mehmon tashrif buyurgan.
Musobaqada 202 davlatdan 2 mingdan ortiq shaxmatchi ishtirok etmoqda. Tashkilotchilar Olimpiadani shaxmat tarixidagi eng yirik musobaqa sifatida qayd etmoqda.
Shuningdek, Samarqandda FIDE Kongressi va Shaxmat Paraolimpiadasi ham o‘tkazilmoqda.
Tadbirlarni tashkil etish uchun uchta yirik maydon va 40 dan ortiq mehmonxona jalb qilingan. Musobaqa davomida transport, xavfsizlik va xizmat ko‘rsatish tizimlari ham faoliyat yuritmoqda.
Olimpiadani o‘tkazishda minglab volontyorlar hamda davlat tashkilotlari xodimlari ishtirok etmoqda.
