Osiyo o‘yinlari: O‘zbekiston U-23 jamoasi chorak final yo‘llanmasini naqd qildi
Ravshan Haydarov shogirdlari muddatidan avval guruhdan chiqish vazifasini uddaladi.
Futbol bo‘yicha O‘zbekiston U-23 terma jamoasi Osiyo o‘yinlaridagi ikkinchi uchrashuvida Kuvaytni 2:0 hisobida mag‘lub etib, muddatidan avval chorak final yo‘llanmasini qo‘lga kiritdi.
Kuvaytga qarshi bahsda Sardor Bahromov 6 va 36-daqiqalarda gol urib, dubl qayd etdi.
Ikkinchi bo‘lim boshida, 48-daqiqada Ro‘ziboy Fayzullayev qizil kartochka oldi. Shundan so‘ng O‘zbekiston bir kishi kam bo‘lib harakat qildi. Biroq jamoa o‘z darvozasi daxlsizligini saqlab qoldi.
Shu tariqa, Ravshan Haydarov shogirdlari ikki turdan so‘ng 6 ochko jamg‘arib, muddatidan avval guruhdan chiqishni uddaladi.
Jamoa guruh bosqichidagi so‘nggi uchrashuvini 22-sentyabr kuni Vetnamga qarshi o‘tkazadi.
Ma’lumot o‘rnida, chorak final 25-sentyabr kuni bo‘lib o‘tadi. O‘zbekiston guruhni birinchi o‘rinda yakunlasa, «D» guruhining ikkinchi o‘rin sohibi bilan bahslashadi.
Osiyo o‘yinlari. «C» guruhi, 2-tur
Kuvayt U-23 — O‘zbekiston U-23 0:2
Gollar: Sardor Bahromov, 6, 36.
Qizil kartochka: Ro‘ziboy Fayzullayev, 48.
