Toshkent tumanida 156 mln so‘mlik tamaki yoqib yuborildi
Shuningdek, 2 mlrd so‘mlik dori vositalari ham yo‘q qilingan.
Majburiy ijro byurosi Toshkent tuman bo‘limi tomonidan sud hujjatlariga asosan jinoyat ishi yuzasidan ashyoviy dalil deb eʼtirof etilgan 156.008.000 so‘mlik 1.200 dona “Mad fatality” nomli tamaki mahsulotlari hamda 156 turdagi qiymati 2.571.962.000 so‘mlik dori vositalarini tegishli tartibda yo‘q qilish to‘g‘risidagi ijro hujjati yuritilgan.
Olib borilgan ijro harakatlari natijasida 24.09.2026 yilda ijro hujjatida ko‘rsatilgan mol-mulklar Toshkent tumanida joylashgan “Marifat Invest Lux” MCHJ omborxonasida tuman Ekologiya bo‘limi, Sanitariya-epidemiologiya bo‘limi, mol-mulkni olib qo‘ygan organ va xolislar ishtirokida ushbu tovar-moddiy boyliklar yoqib yuborish yo‘li bilan yo‘q qilingan.
