“Bolalik kutib turmaydi”: Saida Mirziyoyeva Qarshidagi maktab va bog'cha sharoiti bilan tanishdi
Ma’lum bo‘lishicha, bog‘cha avariya holatida, maktabda esa sinfxonalar sovuq, partalar eskirgan.
Saida Mirziyoyeva Qarshi shahridagi 43-maktab va 1-sonli bog‘chaning sharoitlari bilan tanishdi.
Ma’lum bo‘lishicha, bog‘cha avariya holatida, maktabda esa sinfxonalar sovuq, partalar eskirgan. Saida Mirziyoyeva bolalik kutib turmasligini ta’kidlab, muammolarni kechiktirmasdan hal qilish zarurligini qayd etdi.
Eski bog‘cha o‘rnida 360 o‘rinli yangi va zamonaviy maktabgacha ta’lim tashkiloti quriladi. Maktab binosi ta’mirlanib, zamonaviy laboratoriyalar, til va ijod to‘garaklari tashkil etiladi. Shuningdek, alohida ehtiyojli bolalar uchun ham qulay sharoit yaratiladi.
Saida Mirziyoyeva Qashqadaryo ilg‘or kasbiy mahorat texnikumida tahsil olayotgan yoshlarning intilishi va kelajakka ishonchi uni quvontirganini bildirdi.
Uning ta’kidlashicha, bolalar bog‘chaga qo‘ygan ilk qadamidan boshlab, mustaqil hayotga kirib borguniga qadar munosib muhitda ta’lim-tarbiya olishi kerak.
