Olot tumani hokimi “Fidokorona xizmatlari uchun” ordeni bilan taqdirlandi
Uning hududni rivojlantirish, infratuzilmani yaxshilash, yangi ish o‘rinlari yaratish va aholi farovonligini oshirishga qo‘shgan hissasi e’tirof etildi.
O‘zbekiston Prezidenti farmoniga muvofiq, Buxoro viloyati Olot tumani hokimi Nematova Nargiza Isamiddinovna “Fidokorona xizmatlari uchun” ordeni bilan mukofotlandi.
U davlat va boshqaruv idoralaridagi ko‘p yillik samarali mehnati, mamlakatda keng ko‘lamli islohotlarni amalga oshirish, Yangi O‘zbekistonning iqtisodiy salohiyati va taraqqiyotini yuksaltirishga qo‘shayotgan hissasi uchun taqdirlandi.
Shuningdek, hududni kompleks rivojlantirish, zamonaviy infratuzilmani shakllantirish, muhim dastur va loyihalarni amalga oshirish, yangi ish o‘rinlarini yaratish hamda aholi farovonligini ta’minlash yo‘lidagi faoliyati hamda ijtimoiy hayotdagi faolligi e’tirof etildi.
