“Bundan buyon ‘kambag‘al oila qolmadi’ degan hisobot o‘tmaydi” — Prezident
Xorijda kam maoshga ishlayotgan buxoroliklar kasbga o‘qitilib, yuqori daromadli ishga joylashtiriladi.
Buxoro viloyatidan 99 ming nafar fuqaro mehnat migratsiyasida. Xorijdan qaytgan 24 ming kishi esa hali ish topmagan. Viloyatda ishsizlar soni 40 mingga yaqin, yana 270 ming nafar aholining daromadi o‘rtacha ko‘rsatkichdan past.
“Bundan buyon ‘kambag‘al oila qolmadi’ degan hisobot o‘tmaydi”, — dedi Prezident Shavkat Mirziyoyev.
Mas’ullarga xorijda kam ish haqiga ishlayotgan yurtdoshlarni kasbga o‘qitish va yuqori daromadli ishlarga joylashtirish topshirildi.
Shuningdek, 270 ming nafar aholining daromadini o‘rtacha va undan yuqori darajaga olib chiqish bo‘yicha tumanlar kesimida aniq rejalar ishlab chiqish vazifasi qo‘yildi.
