11 kishiga sud hukmi chiqarildi: Surxondaryoda 277 ta qalbaki “prava” yo‘q qilindi
Guvohnomalar sud qarori ijrosi doirasida MIB xodimlari tomonidan yoqib yuborilgan.
Surxondaryo viloyatining Angor tumanida jinoyat ishi bo‘yicha ashyoviy dalil sifatida saqlangan 277 ta qalbaki haydovchilik guvohnomasi yoqib yuborildi. Mazkur jinoyat ishi doirasida 11 nafar shaxsga nisbatan sud hukmi chiqarilgan.
Ma’lum qilinishicha, Angor tuman sudining ijro varaqasiga asosan, soxta guvohnomalarni yo‘q qilish belgilangan.
Sud hujjati ijrosini ta’minlash maqsadida MIB tuman bo‘limi tomonidan tegishli ijro harakatlari o‘tkazilgan. Jarayonda 277 ta qalbaki haydovchilik guvohnomasi belgilangan tartib va xavfsizlik talablariga rioya etilgan holda maxsus qozonxonada yoqib yo‘q qilingan.
