Har ming kishidan 120 nafari: O‘zbekistonda oliy ma’lumotlilar ulushi ma’lum bo‘ldi
15 yoshdan katta aholining 12 foizi oliy va oliy ta’limdan keyingi ma’lumotga ega.
O‘zbekistonda 15 yosh va undan katta aholining 3,3 million nafari oliy va oliy ta’limdan keyingi ma’lumotga ega. Bu haqda aholini ro‘yxatga olishning yakuniy natijalarida ma’lum qilindi.
Natijalarga ko‘ra, mazkur yosh toifasidagi aholining ta’lim darajasi quyidagicha:
-
oliy va oliy ta’limdan keyingi ma’lumotga ega bo‘lganlar — 3 271,1 ming kishi yoki 12 foiz;
-
o‘rta maxsus va professional ma’lumotga ega bo‘lganlar — 9 737,2 ming kishi yoki 35,8 foiz;
-
umumiy o‘rta ma’lumotga ega bo‘lganlar — 11 626,5 ming kishi yoki 42,8 foiz.
Shuningdek, har 1 000 nafar 15 yoshdan katta aholiga 120 nafar oliy va oliy ta’limdan keyingi, 358 nafar o‘rta maxsus va professional hamda 428 nafar umumiy o‘rta ma’lumotli shaxs to‘g‘ri keladi.
