Telegram’dagi radikal guruh fosh etildi: 13 kishi uning a’zosi bo‘lgan
Guruhda “jihod” va “shahidlik”ka chorlovchi materiallar tarqatilgan.
Davlat xavfsizlik xizmati hamda ichki ishlar organlari xodimlari tomonidan respublika miqyosida o‘tkazilayotgan “Xavfsiz va sog‘lom yurt” tezkor-profilaktik tadbirlari doirasida Qarshi shahrida virtual guruh faoliyati fosh etildi.
Aniqlanishicha, 2006-yilda tug‘ilgan mahalliy fuqaro dastlab ijtimoiy tarmoqlar orqali ekstremistik oqimlar yollovchilarining ta’siriga tushgan. Keyinchalik u Telegram messenjerida 1980–2007-yillar oralig‘ida tug‘ilgan 13 nafar a’zodan iborat guruh tashkil qilgan.
Mazkur guruhda radikal g‘oyalar targ‘ib qilingan, shuningdek, “jihod” va “shahidlik”ka chorlovchi materiallar tarqatilgan.
Hozirda holat yuzasidan qonuniy chora ko‘rish tadbirlari olib borilmoqda.
