Temir yo‘l kesishmasidagi e’tiborsizlik: Damas poyezd bilan to‘qnashdi
Avtomobil haydovchisi temir yo‘l kesishmasidagi yo‘l belgisi talablariga rioya qilmasdan harakatlangan.

2026-yil 16-noyabr kuni soat 08:20 larda Andijon viloyatining Asaka tumanidagi “Toshtepa” MFY hududidan o‘tuvchi temir yo‘l kesishmasida Damas va poyezd ishtirokida yo‘l-transport hodisasi sodir bo‘ldi. Bu haqda viloyat IIB YHXB axborot xizmati xabar berdi.
Ma’lum qilinishicha, 1995-yilda tug‘ilgan V. J. boshqaruvidagi Damas avtomobili haydovchisi temir yo‘l kesishmasidagi yo‘l belgisi talablariga rioya qilmasdan harakatlangan. Natijada u Andijon lokomotiv deposida mashinist bo‘lib ishlovchi, 1993-yilda tug‘ilgan Q. S. boshqaruvidagi KME 3-4700 rusumli poyezd bilan to‘qnashgan.
Hodisa oqibatida har ikki transport vositasiga moddiy zarar yetgan. Tan jarohati olganlar yo‘q.
Hozirda holat yuzasidan Asaka tumani IIB YHXB xodimlari tomonidan surishtiruv ishlari olib borilmoqda.








