Maʼlum bo‘lishicha, qarzdor M.E.dan “Kapital 24 chakana biznes filiali” foydasiga 9 mln 964 ming so‘m qarzdorlikni undirish yuzasidan ijro hujjati mavjud.
Bundan tashqari, qarzdorning MIB ish yurituvida 105 ta to‘lanmagan maʼmuriy jarimalari bo‘lib, davlat ijrochisi tomonidan qarzdorga tegishli garovdagi avtotransport vositasiga nisbatan qidiruv eʼlon qilingan.
Kecha, 19 iyul kuni qarzdorning yashash xonadoniga MIB xodimlari borganda qarzdor va uning yaqin qarindoshlari tomonidan ijro harakatlariga qarshilik ko‘rsatish, uyda bo‘la turib darvozani ochmaslik holatlari kuzatilgan.
Salkam 5 soat davom etgan ijro harakatlari natijasida tegishli tashkilotlar ishtirokida avtotransport vositasi uyda ekanligi aniqlanib, xatlangan.
“MIB tomonidan qarzdorga jarimalarni 10 kun muddat ichida to‘lashi, aks holda xatlangan mulk elektron auksion savdosiga chiqarilishi to‘g‘risida ogohlantirildi va holat yuzasidan tegishli hujjatlar rasmiylashtirildi”, deyiladi xabarda.