Unga ko‘ra, tuman (shahar)larda amaliyotlar turi 60 tadan 79 taga, hududlarda esa 130 tadan 168 taga yetkazilib, xirurgiya markazida yurak va o‘pka transplantatsiyasi joriy etiladi.
2021-yilda yurak nuqsonlarini davolash uchun mo‘ljallangan 500 ta tibbiy buyum (okklyuder) xarid qilish rejalashtirilgan. Buning uchun Sog‘liqni saqlash vazirligiga 10 milliard so‘m ajratilgan.
Bundan tashqari, 2021-yilda Respublika ixtisoslashtirilgan xirurgiya ilmiy-amaliy tibbiyot markazi filiallari 42,5 milliard so‘mlik zamonaviy asbob-uskunalar bilan jihozlanadi.
2022-yildan boshlab har yili o‘rtacha 2 500 ta okklyuder (tibbiy buyum) xarid qilish uchun mablag‘lar ajratish belgilandi.
Shu bilan birga, 2021-2022 o‘quv yilidan Toshkent tibbiyot akademiyasining Xirurgiya va transplantologiya kafedrasi tashkil etiladi.
2021-yil 1-noyabrdan Respublika ixtisoslashtirilgan ilmiy-amaliy tibbiyot markazlari va boshqa davlat tibbiyot muassasalari rahbarlarini sog‘liqni saqlash sohasida boshqaruv yo‘nalishi bo‘yicha qisqa muddatli o‘quv kurslarida qayta tayyorlash hamda malakasini oshirish yo‘lga qo‘yiladi.
2022-2023 o‘quv yilida sog‘liqni saqlash sohasi uchun 50 nafar menejer mutaxassislarni magistrlik yo‘nalishi bo‘yicha davlat granti asosida Toshkent shahridagi Xalqaro Vestminster va boshqa OTMlarda tayyorlash bilan bog‘liq xarajatlarni qoplash choralari ko‘riladi.
Bundan avval xususiy shifoxona tomonidan kimlar bepul davolanishi mumkinligi, O‘zbekistonda farmatsevtikaga ixtisoslashgan yangi universitet tashkil etilishi hamda Prezident O‘zbekistonda pandemiyaning keyingi to‘lqinlariga yo‘l qo‘ymaslik uchun 3 ta muhim shartni aytgani haqida xabar berilgandi.
Olamgir Abdiyev