“Аҳоли соғлиғи муҳофаза қилиниб, электр таъминоти яхшиланди”

 

Республика Ишчи гуруҳи Андижон вилоятининг Асака ва Фарғона вилоятининг Бешариқ туманларида ўз фаолиятини давом эттирмоқда.

 

Ишчи гуруҳининг секторлар кесимида хонадонбай ўрганишлар натижасида икки туманда жами 139 та маҳалла 95 мингга яқин хонадон, 867  ижтимоий соҳа объектлари ўрганилиб, 29 мингдан зиёд муаммоли масалалар аниқланди. Уларнинг ўртача 54 фоизига тезкорлик билан жойида ечими топилди. 

 

Ўрганишлар давомида алоҳида эътибор ижтимоий-иқтисодий аҳволи оғир бўлган кўмакка мухтож аҳоли қатлами муаммаларига қаратилди. Жумладан, 116  нафар “Аёллар дафтари”, “Ёшлар дафтари”да рўйхатда турган хотин-қизларга ўз тадбиркорлигини бошлаш ва ривожлантириш учун бепул ускуна ва жиҳозлар берилди, 79 нафар ёшларга контракт тўлови учун 158 млн сўм маблағ ажратилди, 83 нафар ёшга 1 млн. сўмдан моддий ёрдам берилди, 233 фуқаронинг бандлиги таъминланди ҳамда 18 та оғир аҳволдаги оилаларнинг хонадонлари таъмирлаб берилди.

 

Аҳоли соғлиғи муҳофазаси ҳам Республика ишчи гуруҳининг эътибор марказида бўлди. Хусусан, Тиббий-ижтимоий хизматларни ривожлантириш агентлиги томонидан 84 нафар фуқарога моддий амалий ёрдам кўрсатилди, 56 нафар ногиронлиги бўлган шахсларга реабилитация воситалари етказиб берилди, 17 нафар фуқарога ногиронлик гуруҳлари белгиланди, 84 нафар фуқарога амалиёт ва даволаниш учун йўлланмалар берилди, шифохоналарга ёткизилди.

 

Аҳоли яшаш манзилларида ижтимоий инфратузилманинг ҳолатини яхшилаш борасида ҳам қатор ишлар амалга оширилди. “Қият-Сартол”, “Қум”, “Нурафшон”, “Дала-Ҳамид Олимжон” каби 26 та маҳаллада 30 км.га яқин ички йўллар таъмирланди. Шундан, 26,5 км тупроқ йўллар шағаллаштирилди, 3 км йўлга асфальт ётқизилди.

 

Электр таъминотини яхшилаш мақсадида “Тоштепа”, “Олақанот”, “Тувадоқ”, “Кужган”, “Бахрин”, “Маркаюз”, “Улугбек”, “Кўркам” каби маҳаллаларда 10 кмдан зиёд сип-кабеллар тармоғи тортилиб, 342 дона темир-бетон устунлар, 11 та янги трансформатор ўрнатилди.  

 

Тадбир бошидан 9 та – “Дўстлик”, “Файзобод”, “Яккатут”, “Қум”, “Обод”, “Ганбай” каби маҳаллада ичимлик суви таъминотини яхшилаш мақсадида 3 та янги сув насоси, 2 та сув минораси ўрнатилди, 143 та хонадон сув тармоғига уланди.

 

Аҳоли талабидан келиб чиқиб, 17 мингдан зиёд газ баллони  алмаштирилиб, 353 тонна суюлтирилган газ хонадонларга етказилди.

 

Хайрли ишлар давом этмоқда.