"Ал-Ҳилол" жаҳон рекордини ўрнатди

 

Кеча Осиё чемпионлар лигасида яна бир ярим финалчи аниқланди. Саудия лигаси етакчиси мамлакатнинг амалдаги чемпионларини мағлуб этди ва тарихга кирди. Учрашув олдидан барчани бир савол қизиқтирган эди: "Ал-Ҳилол" жаҳон рекордини ўрнатадими? Жамоа барча турнирларда кетма-кет 27 та ғалаба қозонди ва Welsh New Saints (2016/2017 йилги мавсум) натижасини такрорлади. Шу тариқа "Ал-Ҳилол" жаҳон рекордини такрорлади. Аммо "Ал-Иттиҳод" камбекга умид қилаётганди, чунки бир ҳафта олдин биринчи ўйинда мағлуб бўлганди.

 

Биринчи бўлим ҳар қандай мазмунли ўйиндан кўра кўпроқ якка курашлар остида кечди. Танаффусгача томошабинлар икки жамоа ўртасида дарвоза томон йўлланган иккита зарбани кўришди. Лекин, жуда кўп курашлар натижасида 14 та қўполлик содир этилди ва футболчиларга тўртта сариқ карточка кўрсатилди. Мезбонлар, шунингдек, юлдуз ҳужумчи Карим Бенземасиз ўйнашди. Француз футболчиси февраль ойи охиридан бери майдонга тушмагани йўқ.

 

Бундан ташқари, "Ал-Иттиҳод"нинг яна бир легионери Фабинё ўйинда атиги 15 дақиқа ҳаракат қилди. Бразилиялик футболчи жароҳат олиб, майдонни эрта тарк этди. Танаффусгача "Ал-Ҳилол" дарвозага бирорта ҳам зарба бермади ва рақибга нисбатан икки ярим баравар кўп қоидабузарликларни амалга оширди.

 

Иккинчи бўлим бошида меҳмонлар гол уришди ва бу етарлича фаолликнинг натижасида юз берди. Қанот ҳимоячиси Ясер Ал-Шаҳрани гол урди, унга Сергей Милинкович-Савич ассистентлик қилди. "Ал-Иттиҳод" ҳақиқатдан ҳам рақибнинг кайфиятини бузмоқчи эди. Бироқ, яна бироз муддатдан сўнг меҳмонлар мезбонларни яна бир бор жазолади. Митрович Малкомни дарвозабон билан яккама-якка ҳолатга олиб чиқди. Натижада бразилиялик футболчи якуний натижани ўрнатди.

 

"Ал-Ҳилол" буб ғалаба билан мухлисларига ҳақиқий байрам кайфиятини улашди. Биринчидан жамоа ОЧЛ ярим финалига йўлланма олди. Иккинчидан, бу "Ал-Иттиҳод"нинг кайфиятини бузди (Жидда клуби устидан мавсумдаги тўртинчи ғалаба). Учинчидан, "Ал-Ҳилол" энг узоқ давом этган ғалабали cерия (28 учрашув) бўйича жаҳон рекордини ўрнатди.