Albaniyaning Tirana shahrida sport kurashlari bo‘yicha Jahon chempionati bo‘lib o‘tmoqda. Unda ishtirok etgan Alisher G‘aniyev oltin medalni qo‘lga kiritdi.
G‘aniyev finalda neytral maqomdagi sportchi Dinislam Bammatovga qarshi gilamga chiqib, 8:4 hisobidagi g‘alaba qozondi va mundialda O‘zbekiston jamoasiga dastlabki medalni taqdim etdi.
G‘aniyevgacha Jahon chempionatidagi eng yaxshi natija -77 kg vazn toifasida ishtirok etgan “klassik” kurashchi Doniyorxon Nakibovga tegishli edi. U musobaqada yarim finalgacha yetib borishni uddalagan.