Andijon viloyatining Asaka shahrida 28 yoshli ayol onlayn qimorda qarz bo‘lib, o‘zini o‘ldirgani aniqlandi. Bu haqida “Markaziy studiya” informatsion dasturida xabar berildi.
Maʼlum bo‘lishicha, ayol o‘zini o‘ldirishi haqidagi xabarni qarindoshiga yuborgan.
“Seni aytganingni qilmay, 3 million pulni tikdim, tanishimdan olib yana tikdim. Yana meni 11 million qarzga tiqib qo‘yishdi. Bu pulni qaytarishga buncha pulim yo‘q. Ana endi oxirgi choram bu dunyodan o‘tish. Meni kechiringlar”, — deb yozib qoldirgan ayol.
Aniqlanishicha, ayolning uyida hech qanday oilaviy muammolar bo‘lmagan. U tumandagi shifoxonada hamshira bo‘lib ishlagan.
Hozirda mazkur holat yuzasidan Asaka tumani prokuraturasi tomonidan tergovga qadar surishtiruv ishlari olib borilmoqda.