Президент Шавкат Мирзиёев давлат ташрифи билан Ўмонга борди
Президентни Ўмон Султони Ҳайсам бин Ториқ Ол Саид ва султонликнинг юқори даражали расмийлари кутиб олди.

Ўзбекистон Республикаси Президенти Шавкат Мирзиёев давлат ташрифи билан Ўмон Султонлигига келди. Мамлакат ҳаво ҳудудида Шавкат Мирзиёевнинг самолётини султонлик Ҳарбий-ҳаво кучларининг қирувчилари кузатиб борди.
Масқат халқаро аэропортида Президентни Ўмон Султони Ҳайсам бин Ториқ Ол Саид ва султонликнинг юқори даражали расмийлари кутиб олди.
Олий мартабали меҳмон шарафига фахрий қоровул саф тортди. Етакчилар расмий делегациялар аъзоларини қутладилар ва фахрий қоровул сафи олдидан ўтдилар.
Аэропортнинг Султонлик терминалида бўлиб ўтган қисқа суҳбатдан сўнг давлат раҳбарлари биргаликда “Ал-Аълам” саройига йўл олдилар.








