Чилонзорда Nexia-3 дарахтга урилди: уч киши ҳалок бўлди
ЙТҲга автомобиль руль бошқарувида юзага келган техник носозлик сабаб бўлган.

Тошкент шаҳрининг Чилонзор туманида 16 ноябрь куни содир бўлган йўл-транспорт ҳодисаси оқибатида ҳайдовчи ва икки нафар йўловчи вафот этди.
Тошкент шаҳар ИИББ ЙҲХБ маълумотига кўра, ҳодиса соат 04:50 ларда Бунёдкор шох кўчасида, Узтелеком биноси қаршисида юз берган. 2008 йилда туғилган Т.А. Nexia-3 русумли автомобилни бошқараётиб, руль бошқарувини йўқотган ва йўл четидаги дарахтга урилган.
Дастлабки маълумотларга кўра, ЙТҲга автомобиль руль бошқарувида юзага келган техник носозлик сабаб бўлган. Ҳодиса оқибатида ҳайдовчи ва унинг икки нафар йўловчиси шифохонада вафот этган.
Мазкур ҳолат юзасидан Ўзбекистон Республикаси Жиноят кодексининг 266-моддаси тегишли қисми билан жиноят иши қўзғатилган. Ҳозирда Тошкент шаҳар ИИББ Тергов бошқармаси томонидан дастлабки тергов ҳаракатлари олиб борилмоқда.








