Maʼlum bo‘lishicha, bandlik va mehnat munosabatlari vazirligining 2021 yil 7 dekabrdagi tegishli qaroriga ko‘ra vazirlik huzuridagi xorijda mehnat faoliyatini amalga oshiruvchi fuqarolarni qo‘llab-quvvatlash ko‘zda tutilgan.
Aniqlanishicha, ularning huquq va manfaatlarini himoya qilish jamg‘armasida BHMning 8500 baravari miqdoridagi mablag‘larini zaxira sifatida to‘ldirmagani sababli 6 ta xususiy bandlik agentligining litsenziyasi vaqtincha to‘xtatildi.
Ular quyidagilar:
— “Mirai recruitment agency xususiy bandlik agentligi” MCHJ;
— “Reiwa xususiy bandlik agentligi” MCHJ;
— “Turon world cooperation xususiy bandlik agentligi” MCHJ;
— “Priority international xususiy bandlik agentligi” MCHJ;
— “Specialist group xususiy bandlik agentligi” MCHJ;
— “Jyonan-staff Business xususiy bandlik agentligi” MCHJ.
Maʼlumot uchun: 2020 yilning yakunida vazirlik huzuridagi Tashqi mehnat migratsiyasi agentligiga “Consort” xususiy bandlik agentligi faoliyati ustidan ko‘plab fuqarolardan shikoyat arizalari kelib tushganligi munosabat bilan vazirlik agentlik litsenziyasining amal qilishini 10 ish kuni muddatiga to‘xtatish to‘g‘risida qaror qabul qilgandi.
Eslatib o‘tamiz, avvalroq mehnat migratsiyasiga ketayotgan fuqarolarga kompensatsiya to‘langani hamda aholining davlat xizmatlaridan foydalanish imkoniyatlari kengaytirilishi haqida xabar berilgandi.
Cho‘lponoy Ahmedova