Turkiyaning Beykoz shahrida aktyor Burak O‘zchivit ustidan bir necha shaxsni ommaviy haqorat qilish ayblovi bilan sud ishi boshlandi.
Majlisda matbuot vakillarining ishtirok etishlari taʼqiqlangan va unda Burak O‘zchivit nomidan advokati ishtirok etgan.
Prokuratura Burakni jazo sifatida 49 oylik qamoq jazosini tanlab, jazolashni talab qilmoqda.
Yaqin kunlarda Beykozda yakuniy sud majlisi bo‘lib o‘tadi va unda yakuniy hukm chiqariladi.
Maʼlumot uchun: turkiyalik aktyorga nisbatan uning hamkasblari tomonidan sudga shikoyat arizasi kiritilgan. Ular “Tirilish.Usmon” serialini suratga olish jarayonida aktyor boshqalarni haqorat qilganidan norozi bo‘lishgan.
Eslatib o‘tamiz, avvalroq Turk aktyori Burak O‘zchivit 4 yilga qamalishi mumkinligi haqida xabar berilgandi.
Cho‘lponoy Ahmedova