“Burj Khalifa Sky” saroyidagi 1950 kvadrat metrli eksklyuziv dupleks pentxaus Dubayda 51 million dollarga sotilmoqda.
Burj Xalifaning 107 va 108-qavatlarida joylashgan ikki qavatli penthaus 51 million dollarga sotilmoqda. Biroq, sotib olgan kishi binolarni rekonstruksiya qilish uchun kamida yana 5 million dollar to‘lashi kerak bo‘ladi.
Eng yirik osmono‘par binodagi rezidensiya o‘ziga xos dupleks bo‘lib, Dubay, Arab ko‘rfazi va undan tashqaridagi keng cho‘lning 360 graduslik tengsiz manzaralarini yaqqol ko‘rish mumkin. Derazalari poldan shiftgacha bo‘lgan xonadonlar asosiy qavatda 1300 kvadrat metrni, yuqori qavatda esa 650 kvadrat metrni tashkil qiladi.
Rasmiy ro‘yxatga ko‘ra, mulk 13 yil davomida qattiq qo‘riqlanadigan sirli joy bo‘lib, obro‘li shaxs uchun saqlangan. Biroq, hozirda 830 metrli binoning 107 va 108-qavatlari, shuningdek, ajratilgan 12 ta avtoturargoh sotuvga qo‘yilgan. Yangi mulkdor 123-qavatda shaxsiy dam olish xonasi, 43- va 76-qavatlarda ochiq jakuzi va basseynlar hamda 25 metrlik basseynga ega bo‘ladi. Minorada, shuningdek, ikkita jahon darajasidagi kurortlar, shaxsiy bog‘lar, uchta sport zali, tennis kortlari va Armani mehmonxonasining barcha qulayliklaridan foydalanish imkoniyati mavjud. Bundan tashqari, ushbu rezidensiyada o‘zining suzish havzasi va minoradagi yagona shaxsiy lift mavjud.
Biroq potensial xaridorga 10 yildan ortiq vaqt davomida yaroqsiz holatda bo‘lgan mulkni taʼmirlash uchun kamida qo‘shimcha 5 million dollar kerak bo‘ladi.
Komila Odilova tayyorladi